Shimoliy Koreya AQShdan mamlakatga qarshi barcha sanksiyalarni bekor qilishni so‘ragan, deya xabar beradi “RBK”.
AQSh Davlat departamentining rahbari Mayk Pompeoning so‘zlariga ko‘ra, Shimoliy Koreya tomoni “sanksiyalarni to‘liq bekor qilishni so‘ragan”.
Pxenyan bunga javoban Yonbyon tadqiqot markazining yirik yadroviy inshootlarida keng ko‘lamli chora-tadbirlar amalga oshirishga tayyor ekanini aytgan. Biroq, KXDR taklif qilayotgan narsada aniqlik yo‘q, deydi Davlat departamenti rahbari.
Avvalroq KXDR tashqi ishlar vaziri Li Yon Xo sammitda Kim Chen In Trampdan mudofaa sektoriga bevosita aloqador bo‘lmagan sanksiyalarni bekor qilishini so‘raganligini ma’lum qilgan.
O‘z o‘rnida Pxenyan Yonbyondagi obyektlarni demontaj qilishga tayyor. “Bu ikki mamlakat o‘rtasida mavjud ishonch darajasiga asoslanib, biz amalga oshirishimiz mumkin bo‘lgan yadrolashtirishga qarshi eng katta qadamdir”, — deydi vazir.
Davlat departamenti vakili o‘z navbatida jurnalistlarga Yonbyondagi yadro markazini qisman yopish haqida gap ketganini ma’lum qilgan.
Izoh (0)