Habib Nurmagomedov quyoshni judayam yorqinligi, Putinni esa tuturiqsiz hazillari uchun tanqid qildi. “Erkaklar ovi” spektakli atrofida nimalar yuz berdi?

UFC chempioni Habib Nurmagomedov o‘zining Instagram’dagi rasmiy sahifasida Dog‘istonda namoyish etilgan “Erkaklar ovi” deb nomlangan spektaklda rol ijro etgan yarim-yalang‘och aktyorlarni qattiq tanqid ostiga oldi.

“Allohga qasamki, bizning Dog‘iston o‘g‘lonlari hali beri uyg‘onmaydi va vaziyatni tartibga solmaydi, aks holda vaziyat bizda faqatgina yomonlashadi”, — deydi Nurmagomedov.

U ushbu spektaklni “iflos” narsa deb atadi va Dog‘iston hukumatini tegishli choralar ko‘rishga chaqirdi.

“Agar siz bu faqat ijtimoiy tarmoqlardagi postlarda qolib ketadi deb hisoblasangiz, xato qilasiz”, — deydi jangchi.

“Erkaklar ovi” aktyori hamda prodyuseri Ivan Jidkov allaqachon sportchidan uzr so‘ragan. Dog‘iston Madaniyat vazirligi matbuot xizmatining aytishicha, ularning spektakl bilan umuman aloqasi yo‘q.

“Erkaklar ovi” atrofida bo‘lib o‘tgan janjallar tufayli ijtimoiy tarmoqlarda Habib bilan bog‘liq kulgili izohlar qoldirilmoqda. Quyida ular taqdim etiladi:

• Aralash jang san’ati kurashchisi Habib Nurmagomedov Disney kompaniyasini “Qirol sher”da Mufasani o‘ldirmaslikka chaqirdi
• Habib Nurmagomedov teatrlarda axloqsizlikka qarshi kurashni boshladi
• Habib Nurmagomedovning so‘zlariga ko‘ra, “Korovka” konfetlari haqiqiy ta’mini yo‘qotmoqda, shuning uchun ham ularning mazasi hozir boshqacha
• Habib Nurmagomedov Putinni tutiriqsiz hazili uchun qattiq tanqid qildi
• Habib Nurmagomedov quyoshni judayam yorqin bo‘lgani uchun tanqid qildi.