O‘zbekistonda ota-onalar kunini nishonlash taklif etildi

“Mening fikrim” jamoaviy murojaatlar portalida ota-onalar kunini tashkil etish haqida petitsiya paydo bo‘ldi, deb xabar berdi Sputnik.

BMTda ota-onalar kuni 1-iyunda, AQShda iyulning oxirgi yakshanbasida, Koreyada 8-may kuni, Vyetnamda esa 7-iyul kuni nishonlanadi.

Murojaat muallifining qayd etishicha, O‘zbekistonda ham ota-onalar kunini nishonlash uchun bayram tadbirlarini tashkil etish kerak.

Xalqaro ota-onalar kuni BMT Bosh assambleyasi tomonidan 2012-yilning sentabr oyida e’lon qilingan. 2013-yildan boshlab bu bayram birinchi iyun kuni nishonlanadi.

2018-yilning iyun oyida Shavkat Mirziyoyev 2019-yildan boshlab butun respublika bo‘yicha Xalqaro oila kuni nishonlanishi haqida qaror imzolagan edi.