Bugun,

  • USD 11095.31
  • RUB 173.84
  • EUR 10772.44

“Daryo” tahririyatiga Qashqadaryo viloyati G‘uzor tumanida “Yonqishloq” MFY Navoboz kuchasi 86-uyda yashovchi Zulxumor Karimova qizi Kamola Bozorovaning sog‘lig‘iga shifo istab, yaxshi insonlarning ko‘magidan umid qilib, murojaat qildi.

2002-yil 15-noyabrda oilasida fojia ro‘y beradi. Zulxumor Karimovaning ruhiy xastaligi bo‘lgan turmush o‘rtog‘i to‘satdan kasali qo‘zg‘ab oila a’zolariga pichoq bilan tashlanib qoladi. U rafiqasi va uch farzandi — ikki qizi va bir o‘g‘lini ham pichoqlaydi. Birozdan so‘ng o‘ziga kelgach, nima ishlar qilib qo‘yganini anglaydi va mahalla-ko‘yni yordamga chaqiradi.

Lekin ko‘rgulik ekan, pichoq tig‘i oiladagi ikkinchi farzand 1994-yilda tug‘ilgan Kamola Bozorova (o‘shanda u 8 yoshli qizaloq bo‘lgan) umurtqa pog‘onasiga kirib ketgan va orqa miyaga shikast yetkazgan .

Kamola Bozorovaga qo‘yilgan tashxis: O‘ng son suyagi patologik sinishi, noto‘g‘ri bitishi bilan. O‘ng oyoqning 4 santimetr kaltaligi bilan. Ko‘krak-bel sohasi, orqa miya VTh12-L1 sanchilib kesilgan jarohatidan keyingi holat, pastki naraplegiya, tos a’zolarini funksiyasini buzilishi bilan. Osteoporoz. Virusli gepatit “S”.

“O‘zim ham nogironman. O‘sha mash’um kunda bosh suyagim singanligi sabab ikki marta boshimdan operatsiya bo‘lganman.

Garchi vrachlar mening yashab ketishimga ishonishmagan bo‘lsa-da Allohning marhamatini qarangki, men bugun hayot, hattoki bir o‘zim (erim qamalib ketgan, u bilan ortiq yashashni istamayman) o‘qituvchilik orqasidan halol non topib, ro‘zg‘or tebratib, uch farzandni voyaga yetkazib kelmoqdaman.

Qolgan ikki farzandim olingan jarohatlaridan forig‘ bo‘lishgan, biroq... qizim Kamola o‘shandan buyon nogiron.

Kamola yaqin-yaqingacha emaklab, sudrala olar, o‘tira olar, oyoqlaridan biriga jon ham kirgandek bo‘lgandi. Umid uyg‘onganida yana bir ko‘rgulik ro‘y berdi — uning o‘ng oyog‘i son suyagi 2017-yil aprel oyida sinib qoldi va ahvoli yomonlashdi.

2017-yil avgust oyida tramvatologiya va ortopediya ilmiy tekshirish instituti kasalxonasida, 2018-yil yanvar oyida Toshkent tibbiyot akademiyasi 2-klinikasi bo‘g‘imlar va qo‘l barmoq jarrohlik bo‘limida davolandi.

Tibbiyot akademiyasi shifokorlari singan son suyagi to‘g‘ri bo‘lmasa-da bitayotganligini, orqa miyaning ozroq joyi uzilmay qolganligini aytishdi. Bu esa bizga umid bag‘ishladi.

2018-yil 13-iyun kunida Toshentdagi neyroxirurgiya bo‘limida bir muddat davolandi. 2018-yilning 27-iyun kuniga qadar bir marta funksiya, 4 dona prozerin ukolini qilishdi. Lekin, markazlardagi davolanish muolajalaridan keyin qizimning ahvolida o‘zgharish bo‘lmadi. Shundan buyon qizimni ruhiyati singan, yashashga bo‘lgan ishtiyoqi so‘nmoqda.

Dorilari juda qimmatligi uchun olib berishga imkoniyatim yetmay qoldi. Har oyiga 2 million so‘mdan ortiq mablag‘ talab etiladi”, — deydi Zulxumor Karimova.

Ona uchun farzandining ko‘z o‘ngida so‘lib borishini ko‘rishdan og‘irroq azob bo‘lmas kerak bu dunyoda. Keling, Kamolaning oyoqqa turishi uchun qo‘ldan kelgunicha yordam beraylik!

Xayriya qilmoqchi bo‘lganlar uchun:

Plastik karta orkali (Clik,Payme)

Karimova Zulxumor

Agrobank: 8600-0423-5062-7534

Xorijiy davlatlardan mablag‘ yuborib yordam bermoqchi bo‘lganlar uchun pasport ma’lumotlari:

Karimova Zulxumor Xushvaqtovna

Murojaat uchun onasining telefon raqami: +99894 337 04 65

Telegram: +99897 386 85 45

Izoh
Asosiy yangiliklar
Mahalliy
Soliqlar, jarimalar, kommunal va boshqa to‘lovlarni qanday qilib uydan chiqmasdan to‘lash mumkin?
Mahalliy
BAA O‘zbekiston zargarlik sanoatiga investitsiya kiritishi kutilyapti
Dunyo
Zelenskiyning rafiqasi ukrainaliklar chiroqsiz va issiqliksiz yashashga roziligini ma’lum qildi