CRISPR odamda OITS va grippga qarshi immunitet yaratadi
Amerikalik olimlar jamoasi umrboqiy antitanani yaratish uchun yangi texnologiyani qo‘lladi. Kemiruvchilardagi tajribalar o‘zining effektivligini ko‘rsatdi.
Bakterial va virusli kasalliklarga qarshi vaksina yaratish oson ish emas. Fred Xatchinson nomidagi O‘smalarni ilmiy tekshirish markazi tadqiqotchilari muammoning muqobil yechimini taklif qildi. Ular OITS, gripp va boshqa viruslarni odamlarga yuqmaydigan qilmoqchi. Buning uchun CRISPR genni tahrirlash amaliyotidan foydalaniladi.
Futurism’ning xabar berishicha, olimlar B-hujayralarda yanada faolroq antitanalarni sintezlashni ta‘minlab beradigan metodikani ishlab chiqdi. Ular immun tiziming faoliyatida qatnashadi, bundan tashqari viruslar bilan kurashadi.
Oddiy antitanalar tez nobud bo‘ladi va davolash jarayonida ko‘p marta qayta inyeksiyani talab qiladi. Genni tahrirlash yo‘li bilan olingan molekulalarni esa bir marta bemor organizmiga kiritish kifoya.
Tajribada o‘rganilgan 15 ta sichqonlarga antitanalar kiritilganda, ular 82 kun davomida havo-tomchi yo‘li bilan yuqadigan viruslarga qarshi immunitetga ega bo‘lgan.
