Bugun,

  • USD 11095.31
  • RUB 173.84
  • EUR 10772.44

Venesuela hukumati chegaralarni yopmoqda, deya xabar beradi “Meduza”. To‘qnashuvlarda halok bo‘lganlar bor.

Foto: Reuters

Foto: Reuters

Venesuela hukumati bu haftada AQSh insonparvarlik yordamini kirgizmaslik uchun Braziliya va Kolumbiya bilan chegaralarni qisman yopib qo‘ygani haqida e’lon qildi, shuningdek mamlakat portlari bir nechta chet el kemalari uchun ham yopilgan.

Venesuela prezidenti Nikolas Maduro insonparvarlik yordamini provakatsiya deb atadi va u bilan urushayotgan davlatlar o‘rniga Venesuelaga Rossiya tomonidan oziq-ovqat yetkazib berilishini aytgan.

22-fevral kuni Venesuela harbiylari Braziliya chegarasidagi to‘qnashuvlarda ikki kishini otib o‘ldirib, o‘n besh kishini yaralagan. Mahalliy aholi chegarani yopishga qarshilik ko‘rsatib, chegara nazorat punktiga boradigan harbiy konvoyni to‘xtatishga uringan. Bunga javoban harbiylar o‘q uzgan.

Hodisa ortidan, AQSh hukumati Nikolas Maduro va uning buyrug‘ini bajarayotgan insonlar jazosiz qolmasligi haqida bayonot bergan.

Oq Uy Venesuela armiyasidan fuqarolarni himoya qilish kabi konstitutsiyaviy burchini bajarishi hamda mamlakatga insonparvarlik yordamini kiritishni qat’iy tavsiya qilgan. Donald Trampning milliy xavfsizlik bo‘yicha maslahatchisi Jon Bolton, Venesueladagi vaziyatga diqqat qaratish uchun Janubiy Koreyaga tashrifini bekor qilganini aytgan.

Rossiya chegaradan AQShning insonparvarlik yordami olib o‘tish rejasini Maduroni kuch bilan ag‘darish uchun “qulay bahona” va o‘z kuchlarini “Venesuelaga yaqinlashtirish yo‘lidagi harakat deb hisoblaydi. Rossiya 21-fevral kuni Venesuelaga dori-darmon va tibbiy uskunalar ortilgan yuk yuborgan.

Izoh
Asosiy yangiliklar
Dunyo
Eron oliy rahnamosi Yevropa davlatlarida Qur’onning yoqib yuborilishiga munosabat bildirdi  
Moliya
2022-yilda O‘zbekistonga pul o‘tkazmalari rekord darajadagi 17 mlrd dollarga yetdi
Mahalliy
Fotogalereya: O‘zbekiston va Qirg‘iziston o‘rtasidagi tarixiy aloqalar