Samarqand viloyati davlat soliq boshqarmasi xodimlari tomonidan o‘tkazilgan navbatdagi nazorat tadbirida yashirin sex tashkil etganlarning faoliyatiga chek qo‘yildi.
Samarqand viloyat DSB Jamoatchilik bilan aloqalar va huquqiy axborot sho‘basi davlat soliq inspektori Umid Alimovning “Daryo”ga ma’lum qilishicha, Samarqand shahri, Nizomiy ko‘chasidagi xonadonda fuqarolar A.O va I.K davlat ro‘yxatidan o‘tmasdan, xo‘jalik sovuni ishlab chiqaradigan yashirin sex tashkil etgan.
Nazorat tadbiri davomida ushbu fuqarolarga tegishli hujjatlar rasmiylashtirilib, 16 turdagi, umumiy qiymati 55 million 196 ming so‘mlik tovar-moddiy boyliklari daliliy ashyo sifatida olib qo‘yildi.
Izoh (0)