Toshkent shahar hokimligi ijtimoiy tarmoqlarda O‘zbekiston Davlat Konservatoriyasining Mirzo Ulug‘bek tumani, Mustaqillik shoh ko‘chasida joylashgan eski binosi buzib tashlanishi haqida tarqalgan mish-mishlar yuzasidan ma’lumot berdi.
“Toshkent shahar hokimiyati va Mirzo Ulugbek Business city direksiyasi rasman ma’lum qiladiki, ushbu tarixiy binoni buzish hech qachon rejalashtirilmagan”, — deyiladi xabarda.
Shuningdek, poytaxt ma’muriyati o‘zbekistonliklarni o‘z vaqtlarini mish-mishlarga sarflamasdan, yuzaga kelgan savollarga oydinlik kiritish uchun Toshkent shahar hokimligi telefon raqami (71 210 01 63)ga qo‘ng‘iroq qilishga chaqirgan.
Izoh (0)