14 yoshli Yulduzxon Hindistonda operatsiya qilinishi kerak. Uning ahvoli kundan kunga og‘irlashmoqda

“Daryo” tahririyatiga Toshkent viloyati Zangiota tumani Turkiston QFY Ramazon ko‘chasi 26-uyda yashovchi Ziroatxon Joylaboyeva qizi Yulduzxonning dardiga shifo istab, yordam so‘rab murojaat qildi.

Ziroatxon Joylaboyevaning boshiga musibat tushdi. Uning uch nafar qizi bor. Qizlarining eng kattasi 2004-yil 10-avgustda tavallud topgan 14 yoshdan oshgan Yulduzxon Umrzoqova og‘ir dardga chalingan.

Uning tashxisi: Umurtqa pog‘onasi ko‘krak qismi s-c skaliozi 3—4 darajasi. O‘ng tomonlama qovurg‘alar do‘ngligi.

“Farzandim Yulduzxonda orqa kuragidan suyak o‘sib chiqish kasallik alomatlari bundan to‘qqiz yil avval ko‘zga tashlana boshladi. Uni 5 yoshligida orqa kuragidan suyak o‘sib chiqdi. Og‘riqlar kuchayganligi sabab, yurtimizdagi ko‘plab shifoxonalarga davo izlab bordik, foydasi bo‘lmadi. Orqa kuragi kattalashib borardi.

So‘ngra, oradan 10 yil o‘tib Toshkent shahrida joylashgan Akfa MedLine xususiy klinikasiga ham bordik. Shifokorlar tomonidan chuqur tekshiruvlar o‘tkazildi.

Tahlil natijalariga ko‘ra, farzandim Yulduzxonni zudlik bilan Hindistonda jarrohlik amaliyotini o‘tkazishi kerakligini, chunki unda jarrohlik amaliyoti murakkab bo‘lgani bois bu yerda o‘tkaza olmasliklarini bildirishdi. Bu kasallikni operasiyasi Hindistonda qilingani ma’qul ekan. Shifokorlar umid bor deyishmoqda.

Farzandim Yulduzxon yaqinda Toshkentda Hindistondan tashrif buyurgan vrachlar ko‘rigidan o‘tdi va mutaxassislar farzandimni Hindistonda davolanish muolajalarini olib, operasiya bo‘lib, nasib etsa tuzalib ketish imkoni borligini aytishdi. Ular operasiya muvaffaqiyatli o‘tishiga kafolat berishdi. Operatsiya narxi esa 13 ming AQSh dollarini tashkil etadi. Ya’ni 109 000 000 so‘m, boshqa yo‘l xarajatlari( viza,ovir, samolyot avia chipta va boshqalar) 34 000 000 so‘m.

Umumiy xarajatlar 143 000 000 so‘mni tashkil etarkan”, — deydi Yulduzxonni onasi Ziroatxon opa.

Hozirda Yulduzxonning orqa kuragi kundan-kunga kattalashib, tanasida og‘riqlar kuchaymoqda. Ahvoli borgan sari yomonlashmoqda.

“Saxovatpesha yurtdoshlarimizdan farzandimni operasiya bo‘lib, davolanib butkul sog‘ayib ketishida, imkon qadar xolis moddiy yordam berishlarini iltimos qilib qolaman. Yordam beradiganlarni yaxshiliklarini umrbod unutmayman”, — deb so‘ziga yakun yasadi ko‘zlarida yosh bilan Yulduzxonning onasi Ziroatxon opa.

Yulduzxonning onasi saxovatpesha insonlardan umid ila xolis yordam so‘ramoqda. Imkon qadar Yulduzxonning sog‘ayib ketishi uchun hissa qo‘shaylik!

Xayriya qilmoqchi bo‘lganlar uchun kerakli ma’lumotlar:

Plastik karta orqali: (Click, Payme)

Onasi Ziroat Joylaboyeva nomiga ochilgan

Agrobank: 8600 0417 4748 5150

Xorijdan bankdan mablag‘ yubormoqchi bo‘lganlar uchun onasining pasport ma’lumotlari:

Ziroat Joylaboyeva

Pasport raqami: AB 8432767

Paynet raqam: +99890 907 4147

Onasi Ziroatxon opaning telefon raqami:

+99899 885 75 84

+99890 907 41 47