O‘zbekistonning YuNESKOdagi doimiy vakolatxonasi qator OAVlarning YuNESKO Umumjahon merosi markazi tomonidan Shahrisabz shahrini Umumjahon merosi ro‘yxatidan o‘chirish to‘g‘risidagi hujjat loyihasi tayyorlanayotgani haqida tarqatgan xabarlarini rad etadi. Bu haqda TIV matbuot xizmati ma’lum qildi.
Doimiy vakolatxona UMM rahbariyati bilan olib borilgan maslahatlashuvlardan keyin ta’kidlashicha, maqolalarda nomlari qayd etilgan mutaxassislarning Umumjahon merosi markaziga aloqadorligi yo‘q. Ular markaz nomidan bayonot berishga vakolatli emas.
Ma’lumot uchun, Shahrisabzning tarixiy markazi 2016-yilda YuNESKO tomonidan Umumjahon merosi ob’ektlari ro‘yxatiga kiritilgandi.
Izoh (0)