Joriy yilning 30-yanvar kuni davlat rahbarining Jizzax viloyatiga tashrifi chog‘ida mamlakatda parrandachilik sohasida yangi yo‘nalish bo‘lgan tuyaqush yetishtirish bo‘yicha kompleks loyihasi taqdim etildi.
Ushbu loyiha Janubiy Afrika Respublikasida hamda Afrika qit’asining boshqa davlatlarida yirik tuyaqushchilik korxonasiga ega investor bilan hamkorlikda, Mercana brendi ostida faoliyat yuritishi qo‘llab-quvvatlandi.
Investitsiyaviy qiymati 55 milliard so‘mlik mazkur loyiha doirasida Jizzax viloyati Do‘stlik tumanida 5 gektar hududda tuyaqushlar parvarishlanadi, ko‘paytiriladi hamda tuyaqushlar uchun Mercana brendining maxsus ozuqa ratsioni asosida tayyorlanadigan yem mahsulotlari ishlab chiqariladi.
Mazkur loyihadan ko‘zlangan asosiy maqsad — tuyaqush yo‘nalishida naslchilik bilan nom qozongan, oliy nav tuyaqushlarni O‘zbekistonga olib kelish, mahalliy fermerlar bilan hamkorlikda tuyaqushlarni ko‘paytirish hamda qo‘shni davlatlarga eksport qilish.
Bu tuyaqushlarning afzalligi ular inkubator vositasidan foydalanilmagan holda, ya’ni tabiiy yo‘l bilan ochib chiqqanligi va 1 yil davomida o‘tkazilgan tajribalar asosida Markaziy Osiyo iqlim sharoitiga moslashtirilganidir.
Mamlakat Prezidenti investorlarga yaratib berayotgan sharoitlardan, loyihaning qo‘llab-quvvatlanganidan ruhlangan holda, Mercana korxonasi tadbirkorlar va fuqarolar bilan o‘zaro manfaatli hamkorlikka tayyorligini ma’lum qilamiz.
Mercana – biznesingiz yo‘lida ishonchli hamkor!
Manzilimiz: Toshkent shahri, Sodiq Azimov ko‘chasi, 68-uy.
Mo‘ljal: 145-maktab
Telefon: 71 200-04-01
Reklama huquqi asosida.
Izoh (0)