O‘zbekistonlik fuqaro pasportning beshinchi ustunini yo‘q qilganligi sababli Qirg‘izistonning sobiq prezidenti Almazbek Atambayev va Davlat ro‘yxatga olish xizmati sobiq rahbari Tayirbek Sarpashyevni sudga berdi. Bu haqda “24.kg” xabar berdi.
Da’vo arizasida yozilishicha, 2013-yilda Haydarali Xoliqov “Qayrilman” dasturiga ko‘ra o‘z oilasi bilan O‘zbekistondan Qirg‘izistonga kelgan va Qirg‘iziston fuqaroligini olgan.
“Biz o‘z millatimizni saqlab qolmoqchi edik. Lekin Atambayev va Sarpashyev pasportdan “millati” degan bandini olib tashladi. Bu noqonuniy bo‘lib, buni tan olishingizni so‘raymiz”, — deydi Haydarali Xoliqov.
U o‘z oilasiga keltirilgan zararni olti million so‘m deb baholagan. Da’vo arizasi Alamedin tuman sudiga topshirilgan.
Izoh (0)