20-fevralning e’tiborga molik yangiliklari — “Daryo” dayjestida.
Gulnora Karimovaning qizi Imon Instagram’ga onasi oshxonada chuchvara pishirayotgani aks etgan video joyladi.
Gulnora Karimovaning qizi Imon o‘z Instagram’dagi Stories’ga onasi oshxonada chuchvara pishiriyotgani aks etgan animatsion surat e’lon qildi. Surat qachon va qayerda olingani haqida hech qanday ma’lumot yo‘q.
***
O‘zbekistonda 2019-yilda yangi to‘lov tizimi to‘laqonli faoliyat yuritishi ta’minlanadi.
Markaziy bank ma’lumotlariga ko‘ra, “Humo” to‘lov tizimini 2019-yil mobaynida to‘laqonli faoliyat yuritishini ta’minlash rejalashtirilmoqda.
Bugungi kunda “Humo” to‘lov tizimi uchun muhandislik infratuzilmalarini yaratish va bank kartalari, terminal qurilmalari, bankomatlar xarid qilish bo‘yicha ishlar ham parallel ravishda amalga oshirilmoqda.
***
Saratondan aziyat chekkan futbolchi Sirojiddin Sayfiyev vafot etdi.
Sayfiyev Samarqandning “Dinamo” klubi safida 2014-yilda og‘ir jarohat olib, faoliyatini yakunlagan edi.
Shundan so‘ng bir necha yil davomida saraton bilan kurashdi.
***
O‘zbek qizlariga uylanish janubiy koreyaliklarga qimmatga tushmoqda.
Janubiy Koreyada so‘nggi o‘ttiz yil ichida qishloq aholisi kamayib ketdi. Qishloq hududlarda aholini ko‘paytirish uchun shahar hokimligi xorijdan kelin sotib olishga yordam bermoqchi.
Bo‘lg‘usi kelinlar asosan janubi-sharqiy Osiyodan sotib olinmoqda. Bu bilan qishloqdagi aholi sonini oshirish rejalashtirilgan.
O‘zbekistondan qiz olish esa eng qimmat deya baholanmoqda. Bir kishi uchun 18,3 million von (16,300 dollar) ketadi.
***
Termizda ona 2-sinfda o‘qiydigan o‘g‘lini 20 millionga sotayotganda qo‘lga olindi.
2019-yilning 1-fevral kuni termizlik N.N. 2019-yil yanvar oyining o‘rtalarida fuqaro Zubayda (ism shariflar shartli ravishda o‘zgartirilgan) ismli ayol o‘zining o‘g‘li Arslonbekni 25 million so‘mga sotish maqsadi borligini va uning ushbu ishlari qonunga xilof ekanligini va unga nisbatan qonuniy chora ko‘rilishini so‘rab Surxondaryo viloyati IIB boshlig‘i nomiga ariza bilan murojaat qilgan.
Izoh (0)