Chilonzor tumanida joylashgan ko‘plab vaqtinchalik qurilmalar va savdo rastalari, savdo-sotiq obyektlari tartibga keltirilmoqda, deya xabar berdi Toshkent shahar hokimligi matbuot xizmati.
Xabarda aytilishicha, barcha tadbirkorlar ish boshlab, buning uchun joy va hujjatlar tayyorlayotganda shaharsozlikka oid talablar bilan tanishtiriladi.Xususan, bu borada O‘zbekiston Respublikasi Vazirlar Mahkamasining 2009-yil 12-fevraldagi “Aholi punktlarini kompleks qurishda shaharsozlik normalari va qoidalari qat’iy bajarilishini nazorat qilishni kuchaytirishga doir qo‘shimcha chora-tadbirlar to‘g‘risida”gi 41-sonli va Toshkent shahar hokimining 2009-yil 4-martdagi “Toshkent shahar hududida aholi punktlarini kompleks qurishda shaharsozlik normalari va qoidalari qat’iy bajarilishini nazorat qilishni kuchaytirishga doir qo‘shimcha chora-tadbirlar to‘g‘risida”gi 115-sonli qarorlari yetarlicha asos bo‘lib xizmat qiladi.
“Fotolavhalarni kuzatib, aholi turar joylariga tutash holda barpo etilgan qurilmalar oraliq masofasi nuqtai nazardan ham, tashqi ko‘rinishi va jihozlanishi bo‘yicha ham qurilish normalariga zid bunyod etilganini anglash qiyin emas.Shahar barchamizniki, uni ko‘rkamlashtirish ham go‘zalligini saqlash ham o‘z qo‘limizda”, — deyiladi xabarda.
Izoh (0)