15-fevral – “Xalqaro saratonga chalingan bolalar kuni”ni nishonlash maqsadida Respublika onkologiya markazida yoshlar, estrada yulduzlari, kino va teatr aktyorlari, futbolchilar jam bo‘ldi. Bu haqda “Daryo”ga Yoshlar media markazi ma’lum qildi.
O‘zbekiston yoshlar ittifoqi hamda “Mo‘jizalar davri” yoshlar jamoasi tomonidan o‘tkazilgan tadbirda bolajonlar mashhur mehmonlar bilan ko‘rishib, raqslar shousi, qiziqarli o‘yinlar, sirk tomoshalaridan bahramand bo‘ldi.
— Hayotning shirinligi, umr mazmuni, albatta, bolalar bilan. Ularning bir kunini bo‘lsa-da, quvonchga to‘ldirganlar orasida borligimdan xursandman, — deydi aktyor Javohir Zokirov.
Xonanda Shahzoda ham bolalar quvonchiga sherik bo‘lib, dastxati tushirilgan va tilaklari bitilgan sovg‘alarini ulaщdi.
“Mo‘jizalar davri” yoshlar jamoasi a’zolari hayvonlar, gullar, multfilm qahramonlari aks ettirilgan rang-barang rasmlarga ezgu tilaklar va yaxshi niyatlar yozib, bolalarga taqdim etdi.
Shu kuni bolalarga turli tashkilotlar tomonidan ham sovg‘alar topshirildi.
Izoh (0)