13-fevral kuni Meksikaning Kolima shtatidagi Tekoman munitsipalitetida yashirincha ko‘milgan 69 ta tana qoldiqlari topildi, hozirda ularni genetik identifikatsiyalash amalga oshirilmoqda. Bu haqda “Korrespondent.net” xabar berdi.
Dastlabki ma’lumotlarga ko‘ra, ular bundan besh yil avval dafn etilgan bo‘lishi mumkin.
Xalqaro statistika instituti ma’lumotlariga ko‘ra, 2017-yil yakunlariga ko‘ra, Kolima shtati qotilliklar soniga ko‘ra Meksikada eng noxush shtat deb topilgan.
Bu yerda 100 ming aholi soniga 113 ta qotilliq to‘g‘ri keladi.
2018-yilda bu ko‘rsatkich 100 ming aholiga 87 tani tashkil etgan.
Rasmiy ma’lumotlarga ko‘ra, Lotin Amerikasi davlatida 33 ming atrofida odam o‘ldirilgan. Bu 2017-yil ko‘rsatkichlariga qaraganda 15,5 foizga ko‘p. Yana 40 mingga yaqin odam bedarak yo‘qolgan.
Avvalroq Meksika poytaxtidan janubda joylashgan Tlalpan hududida olib borilgan arxeologik qazishmalar natijasida spiral ko‘rinishida joylashtirilgan 10 nafar odam suyaklari topilgan.
2016-yilda esa Meksikaning Koauila shtatida 600 nafar odam yashirincha ko‘milgani aniqlangan.
Izoh (0)