Tramp demokratlarga yangi shatdaun bilan tahdid qildi

AQSh prezidenti Donald Tramp demokratlar partiyasi vakillari o‘z harakatlari bilan yangi shatdaun istayotganini ma’lum qildi, deya xabar beradi “Gazeta.ru”.

Prezident o‘zining Twitter’dagi sahifasida o‘tgan hafta ular uchun oson bo‘lmaganligini qayd etgan.

“Demokratlar chegara qo‘mitasiga dahshatli taklifidan so‘ng, men ular yangi shatdaun istayotganiga ishonaman”, — deb yozadi Tramp.

Avvalroq, Oq uy apparati boshlig‘i vazifasini bajaruvchi Mik Malve yangi shatdaun istisno qilinmayotganligi haqida xabar bergan.

Uning so‘zlariga ko‘ra, bu bir haftadan so‘ng AQSh Kongressi Meksika bilan chegarada devor qurish uchun mablag‘ ajratishga qaror qilmasa yuz beradi.