O‘zbekiston matbuot va axborot agentligida “Milliy estrada san’atining ahvoli, ayniqsa, yoshlar ma’naviyatining yuksaltirishdagi o‘rni va ahamiyati” mavzusida matbuot anjumani bo‘lib o‘tdi.

Matbuot anjumanida “O‘zbekkonsert” DM rahbariyati, soha vakillari, OAV xodimlari qatori “Daryo” muxbiri Feruz Muhammad ham ishtirok etdi.

Matbuot anjumanida “O‘zbekkonsert” davlat muassasasi direktori Odiljon Abduqahhorov Shahlo Ahmedovaning keskin tanqidlarga sabab bo‘lgan “Letniye dojdi” qo‘shig‘iga ishlangan video klip haqida gapirdi.

Shahlo Ahmedovaning ‘Letniye dojdi’ klipi uchun litsenziyasini to‘xtatib qo‘ydik. Shahlo Ahmedova ushbu klip tasvirga olinganidan so‘ng, litsenziyasini to‘xtatib qo‘yilishini bilardi. Bizga necha marotaba murojaat qildi, ammo litsenziyasini bermadik.  Shahlo Ahmedovadan oldin litsenziyasini to‘xtatib qo‘ygan xonandalarimiz ayrim holatlarda litsenziya shartlarini bajarmagani uchun litsenziyasini olgan bo‘lsak, ma’lum bir vaqtdan so‘ng, aybiga iqror bo‘lganidan keyin litsenziyasini qaytarganmiz. Shahlo Ahmedova bir necha marotaba murojaat qilgan bo‘lsa ham litsenziyasini qaytarmayapmiz. Ushbu klip O‘zbekiston uchun olinmagan bo‘lsa ham, klipni internet tarmoqlari orqali barcha ko‘rib bo‘ldi.

Odiljon Abduqahhorov, “O‘zbekkonsert” davlat muassasasi direktori