10-fevraldan 11-fevralga o‘tar kechasi nufuzli “Gremmi” mukofotini topshirish marosimi bo‘lib o‘tdi, deb xabar berdi “Liga Novosti”.

Foto: Billboard

Ushbu mukofot taqdirlash marosimi 61-marta o‘tkazildi.

Mukofot 84 ta nominatsiya bo‘yicha topshirildi. “Yilning eng yaxshi albomi”, “Yil qo‘shig‘i”, “Yil ijrochisi” kabi nominatsiyalar eng muhim yo‘nalishlar hisoblanadi.

“Gremmi—2019”ga 2017-yilning 1-oktabridan 2018-yilning 30-sentabriga qadar efirlarda yangragan taronalar taqdim etildi.

Taqdirlash marosimini RnB ijrochi Alisha Kiz olib bordi.

Quyida mukofotni qo‘lga kiritgan xonandalar haqida ma’lumotlar keltiriladi:

Eng yaxshi yosh ijrochi—Dua Lipa.

“Yil qo‘shig‘i” —  This Is America – Donald Glover (Childish Gambino). Glover, shuningdek “eng yaxshi audioyozuv”, “eng yaxshi klip” va “eng yaxshi rep ijro” nominatsiyalarida ham g‘olib bo‘ldi. Xonanda taqdirlash marosimiga kelmagan.

“Yil albomi” — Keysi Masgreyvsning Golden Hour albomi.

“Yilning rok uslubidagi eng yaxshi qo‘shig‘i” — Masseduction - St. Vincent.

“Kino va televideniye uchun eng yaxshi qo‘shiq” — Ledi Gaga va Bredli Kuperning Shallow qo‘shig‘i.

“Yil prodyuseri” — Farell Uilyams.