Joriy yilning 1—9-aprel kunlari ayollar futboli bo‘yicha Tokio—2020 Olimpiada saralashining 2-bosqich o‘yinlari bo‘lib o‘tadi, deb xabar berdi MOQ.

Foto: Google Images

Mazkur bosqichda 12ta terma – Vyetnam, Xitoy Taypeyi, Myanma, Iordaniya, Eron, Hindiston, Filippin, Gongkong, Indoneziya, Falastin, Nepal va O‘zbekiston ishtirok etadi. Jamoalar uch guruhga bo‘lingan holda bahs olib boradi.

Osiyo futbol konfederatsiyasi mazkur uchta guruh bahslariga Myanma, Falastin va O‘zbekiston mamlakatlari mezbonlik qilishini tasdiqladi.

13-fevral, chorshanba kuni 2-saralash bosqichiga qur’a tashlash marosimi bo‘lib o‘tadi. Guruhlarda birinchi o‘rinni qo‘lga kiritgan 3ta jamoa Olimpiada saralashining 3-bosqichiga yo‘l oladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!