O‘zbekiston Milliy kutubxonasida Alisher Navoiy tavalludining 578 yilligi munosabati bilan akademik Abdulla A’zamning “Munojotnoma” nomli kitobi taqdimoti o‘tkazildi. Bu haqda O‘zA xabar berdi.
“Abdulla A’zam adabiyotshunoslik ilmida birinchi bo‘lib Alisher Navoiy g‘azallarini matematik tahlil asosida o‘rganib chiqdi. Kitobda Alisher Navoiyning nasriy munojoti talqin qilingan,” – deydi yozuvchi Xurshid Do‘stmuhammad.
Kitobda Alisher Navoiyning “Munojot” asari keng o‘quvchilar ommasiga tahliliy uslubda taqdim etilgan. Shu maqsadda “Munojot”ning o‘ziga xos vazni va qofiyasiga e’tibor qaratilgan, ancha erkin talqin qilingan sharhlar, izohlar va ayrim qo‘shimcha ma’lumotlar keltirilgan.
Kitobda Navoiy asarini mustaqil o‘qish qulay bo‘lishi uchun lug‘at va sharhlar “Munojot”ga tegishli bandlari bilan yonma-yon joylashtirilgan.
Izoh (0)