6-fevral soat 19:00 lar atrofida Toshkent viloyatining Chirchiq shahrida svetofor yordamida tartibga solingan piyodalar o‘tish joyida fuqaro M.A. Nexia avtomobilida voyaga yetmagan 2011-yilda tug‘ilgan, 2-sinf o‘quvchisi L.A.ni urib yuborgan. L.A. olgan jarohatlari oqibatida shahar markaziy shifoxonasining jonlashtirish bo‘limida vafot etgan. Bu haqda “Daryo”ga Toshkent viloyati YHXB ma’lum qildi.
Kuzatuv kameralari orqali olingan tasvirlarda haydovchi svetoforning qizil chirog‘ida to‘xtamasdan harakatlangan.
Toshkent viloyati Yo‘l harakati xavfsizligi boshqarmasi bergan ma’lumotlarga ko‘ra, ushbu YTHni sodir etgan haydovchi M.A. o‘tgan bir yil davomida 8 marotaba yo‘l harakati qoidalarini buzib, ma’muriy huquqbuzarlik sodir etgan.
Haydovchiga nisbatan Jinoyat kodeksining 266-moddasining tegishli qismlariga ko‘ra jinoyat ishi qo‘zg‘atilgan.
Izoh (0)