Peterburgda halok bo‘lgan o‘zbekistonlik talabaning jasadini vataniga yuborishning barcha xarajatlarini Shimoliy poytaxt hukumati zimmasiga oladi. Bu haqda O‘zbekiston elchixonasi ma’lumotiga tayanib, “Podrobno.uz” xabar bermoqda.
Hukumat, shuningdek, uni dafn etish uchun pul ajratadi. Talabaning ota-onasi Peterburgda ekanligi qayd etilmoqda.
“Elchixona hukumat, tergovchilar bilan aloqada. Halok bo‘lgan talabani tezroq vataniga qaytarishga harakat qilayapmiz. O‘zbekiston milliy aviakompaniyasi yordam berishga tayyor. Vaziyat nazorat ostida”, — deyiladi elchixona xabarida.
Eslatib o‘tamiz, avvalroq 5-fevral kuni Sankt-Peterburgning Kimyo-farmatsevtika davlat universiteti talabasi bo‘lgan o‘zbekistonlik 23 yoshli Boburbek Ochilov tomdan muz bo‘lagi tushishi oqibatida vafot etganligi haqida xabar berilgan edi. Uning do‘sti va tengdoshi Bahrullo Umarov esa bir necha jarohatlar bilan Mariansk kasalxonasiga yotqizilgan.
Izoh (0)