5-fevral kuni Navoiy shahridagi “Alisher Navoiy ijodiy merosining umumbashariyat ma’naviy-ma’rifiy taraqqiyotidagi o‘rni” mavzusidagi III an’anaviy xalqaro ilmiy konferensiyasi bo‘lib o‘tdi. Bu haqda O‘zA xabar berdi.
Konferensiya Respublika Ma’naviyat va ma’rifat markazi, Navoiy viloyat Ma’naviyat va ma’rifat Kengashi, Alisher Navoiy jamg‘armasi, Oliy va o‘rta maxsus ta’lim vazirligi, O‘zbekiston respublikasi Fanlar Akademiyasi O‘zbek tili, adabiyoti va folklori instituti, Navoiy davlat pedagogika instituti hamkorligida o‘tkazildi.
Unda Ozarbayjon, Afg‘oniston, Boshqirdiston, Vengriya, Qozog‘iston, Janubiy Koreya, Mo‘g‘uliston, Rossiya, Turkiya, Shvetsiya, Hindiston, Turkmaniston, Tojikiston kabi 15 ga yaqin davlatlardan 50 nafardan ortiq navoiyshunos olimlar tashrif buyurdi.
Erta tongdan Navoiy shahri markazidagi istirohat bog‘ida Alisher Navoiy haykali poyiga gul qo‘yish marosimi bo‘lib o‘tdi. Unda barcha konferensiya ishtirokchilari, chet ellik mehmonlar hamda keng jamoatchilik vakillari ishtirok etdi.
Izoh (0)