Andijon viloyatining Izboskan bilan Paxtaobod tumanlarini bog‘lab turuvchi Tentaksoy daryosining ko‘prigini sel yuvib ketganiga 50 yil bo‘lgandi, deya xabar beradi “Xalq so‘zi Online”.
50 yillik ko‘prik muammosi Prezident Xalq qabulxonasiga qilingan murojaatdan so‘ng o‘z yechimini topgan.
Ko‘prik qurilishi uchun 5 milliard 394 million so‘m mablag‘ ajratilgan. Tez kunlarda ikki tumanni o‘zaro bog‘lab turuvchi ko‘prik ta’mirlanib, 50 yillik muammo bartaraf etiladi.
Xalq qabulxonasi yordamida Qo‘rg‘ontepa tumanidagi “Best tekstil” to‘qimachilik korxonasi xodimlarining 2,5 oydan buyon ololmayotgan 80 million so‘mlik maoshi undirib berilgan.
Prezidentning Andijon viloyatidagi Xalq qabulxonasiga 2018-yil davomida bu kabi murojaatlardan 25 ming 528 ta kelib tushdi.
Ularning 78 foizi qanoatlantirildi. Qolgan qismi hal etish uchun hududiy tashkilotlarga yuborilgan. Ammo guruch kurmaksiz bo‘lmaganidek, bu masalaga ham panja orasidan qarovchilar yo‘q emas.
Shu bois mutasaddi idoralarning 115 nafar vakiliga nisbatan chora ko‘rish maqsadida taklif va taqdimnomalar chiqarildi.
Oqibatda 12 nafar mutasaddiga nisbatan ma’muriy, 103 nafariga esa intizomiy javobgarlik tayinlandi.
Izoh (0)