Singapur Xitoyda yangi innovatsion shahar qurishga yordam beradi. Shaharda taxminan 500 ming kishi yashashi rejalashtirilmoqda. Bu haqda CNBC xabar berdi.
Yangi aholi punkti Xitoyning kattaligi bo‘yicha uchinchi shahri bo‘lgan Guanchjoudan 45 daqiqalik masofada quriladi. Uning qurilishi bilan Guanchjouni rivojlantirish qo‘mitasi va Singapurning Ascendas-Singbridge davlat kompaniyasi ishtirokidagi qo‘shma korxona shug‘ullanmoqda.
Xabar berilishicha, qurilish besh yil avval boshlangan. Ayni paytda shaharda bitta tuman qurilgan bo‘lib, unda 80 ming nafar ishchi yashamoqda. Guanchjouning Bilimlar shahri nomini oladigan shaharning 129,5 kvadrat kilometr maydonni egallashi rejalashtirilmoqda.
Ikki mamlakat rasmiylari yangi shaharning fan va texnologiyalar rivojlanadigan va mintaqaviy iqtisodiy markazga aylanadigan bo‘lajak shahar bo‘lishiga umid bildirgan holda, olimlar va texnik xodimlarni bu shaharda yashashga chaqirmoqda.
Shuningdek, Xitoy hukumati shaharning yangi aholisiga subsidiyalar, bepul ofislar va yuridik yordam berishni ko‘zlamoqda.
Izoh (0)