28-yanvar kuni Bekoboddagi qurilishi tugallanmagan bolalar bog‘chasi ichida joylashgan 1-maktabga tegishli bo‘lgan isitish qozonxonasi (kotelnaya) portlashi oqibatida bir kishi halok bo‘ldi. Bu haqda “Daryo”ga Bosh prokuratura matbuot xizmati rahbari Surayyo Rahmonova ma‘lum qildi.
Bekobod shahar, 5-daha, “Sementchi” MFYda joylashgan bog‘chada olib borilayotgan qurilish-montaj ishlari davomida, bog‘cha hududida joylashgan 1-maktabga tegishli bo‘lgan isitish qozonxonasi (kotelnaya) portlagan. Kuchli portlash yollanma ishchilar qozonxona yonidagi devorni ko‘tarish paytida sodir bo‘lgan.
Portlash oqibatida T.E. voqea joyida halok bo‘lgan, B.R. esa o‘rta og‘irlikdagi tan jarohatlari bilan shahar tibbiyot birlashmasining jonlantirish bo‘limiga yotqizilgan.
Bekobod shahar gaz ta’minoti korxonasining ma’lumotlariga ko‘ra, portlash suv bug‘ining bosimi ko‘tarilishi oqibati kelib chiqqan.
Dastlabki tergov harakatlari shahar prokuraturasi tomonidan nazoratga olingan.
Izoh (0)