27-yanvar, yakshanba kuni futbol bo‘yicha Ispaniya chempionatining 21-turida “Real” hujumchisi Karim Benzema “Espanyol”ga qarshi o‘yinda dublga erishdi (4:2).
Bu 31 yoshli hujumchi uchun “Real” tarkibidagi 206 va 207-gollari bo‘ldi. Fransiyalik futbolchi “Qirollik klubi” to‘purarlari jadvalida 6-o‘ringa ko‘tarilib, Ugo Sanches (1985/92-yillar) bilan tenglashib oldi, deb xabar berdi MisterChip.
5-o‘rinni klubning sobiq futbolchisi Ferents Pushkash (1958/67-yillar) 242 ta gol bilan band qilgan.
Mazkur jadvalni “Real”ning sobiq hujumchisi Krishtianu Ronaldu 450 ta gol bilan boshqarib bormoqda.
“Real Madrid” tarixidagi eng yaxshi to′purarlar ro‘yxati:
- Krishtianu Ronaldu — 450 ta gol (438 ta o‘yinda)
- Raul Gonsales — 323 ta gol (741 ta o‘yinda)
- Alfredo di Stefano — 308 ta gol (396 ta o‘yinda)
- Santillana — 290 ta gol (645 ta o‘yinda)
- Pushkash — 242 ta gol (262 ta o‘yinda)
- Ugo Sanchez — 207 ta gol (282 ta o‘yinda)
- Benzema — 207 ta gol (445 ta o‘yinda)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)