O‘zbekiston Respublikasi Adliya vazirligi nodavlat notijorat tashkilotlarni 1-fevralgacha o‘z faoliyati to‘g‘risidagi hisobotlarni topshirish haqida ogohlantirdi.
O‘zbekiston Respublikasi Vazirlar Mahkamasining 2014-yil 10-martdagi 57-son qaroriga asosan nodavlat notijorat tashkilotlar har yili 1-fevralgacha — o‘tgan yildagi o‘z faoliyati to‘g‘risidagi hisobotni O‘zbekiston Respublikasi Adliya vazirligi tomonidan tasdiqlanadigan shakl bo‘yicha taqdim qilishlari shart.
Shunga ko‘ra, joriy yilning 1-fevraliga qadar nodavlat notijorat tashkilotlar o‘z faoliyati to‘g‘risidagi hisobotlarni tegishli adliya organlariga taqdim qilishlari lozim.
Tashkilotlar tomonidan ushbu talablarga rioya qilmaslik tegishli javobgarlikka sabab bo‘ladi.
Izoh (0)