2019-yilda Toshkentda palliativ yordam ko‘rsatiluvchi xospis (maxsus tibbiyot birlashmasi) quriladi. Bu haqda Toshkent shahar hokimi o‘rinbosari Elbek Shukurov jurnalistlar bilan norasmiy uchrashuvda ma’lum qildi.
Uning qayerda qurilishi hozircha ko‘rib chiqilmoqda. Chunki uning qurilishi katta maydon talab etadi. Ehtimol u shahar chekkasida yoki halqa yo‘li bo‘yida qurilishi mumkin. Binoni 1-sentabrgacha foydalanishga topshirish rejalashtirilgan.
Palliativ bo‘lim 50 o‘rindan iborat bo‘lishi mo‘ljallangan bo‘lib, kelajakda ular soni kengaytiriladi.
Ma’lumot uchun, palliativ yordam — kasallikka erta tashxis qo‘yish, puxta tekshiruvdan o‘tkazish va davolash, shuningdek, psixologik va ma’naviy yordam ko‘rsatish orqali inson hayotiga xavf soluvchi kasallikka chalingan bemorlar va ularning oila a’zolari hayot sifatini yaxshilashga qaratilgan yordam.
Izoh (0)