Sayohatlar uchun mo‘ljallangan Wegoplace onlayn xizmati Solo Travel Safety Report 2019 hisobotini e’lon qildi. Hisobotda qaysi davlatlar 2019-yilda sayyohlar yolg‘iz sayohat qilishi uchun eng xavfsiz ekanligi aytib o‘tilgan.
Mutaxassislar 142 ta mamlakat aholisi orasida so‘rov o‘tkazgan va ular tunda shahar bo‘ylab yolg‘iz sayr qilganda o‘zini qanchalik xavfsiz his qilishini aniqlagan. Shuningdek, ularning mahalliy politsiyaga ishonchi, ularning hujumlar yoki talonchiliklarga uchraganiga ham oydinlik kiritilgan.
Eng yuqori xavfsizlik indeksini Singapur qayd etgan. Undan keyingi qatorlardan Norvegiya, Islandiya va Finlyandiya joy olgan. Beshinchi o‘rinni O‘zbekiston egallagan. Shuningdek, birinchi o‘ntalikdan Gonkong, Shveysariya, Kanada, Indoneziya va Daniya o‘rin egallagan.
Shu bilan birga, ekspertlar yolg‘iz sayohat qiluvchilar uchun eng xavfli davlatlar ro‘yxatini ham tuzgan. Ularning ichida dastlabki qatorlarni Venesuela, Afg‘oniston va Janubiy Sudan egallagan.
Izoh (0)