“Kardiff” hujumchisi Emiliano Sala bo‘lgan samolyotning radarlardan yo‘qolishi va qidiruv-qutqaruv ishlari bo‘yicha Normand orollari aviatsion qidiruv guruhi ofitseri Jon Fitsjerald ma’lumot berdi, deb yozadi RMC.
“Menga xabar berishlaricha, dengizdan metall parchalari atrofida suzib yurgan havo to‘ldirilgan yostiqcha, to‘q sariq rangdagi predmet, quti va boshqa ko‘plab oq rangdagi buyumlarni topishgan”, — deydi Fitsjerald.
Ofitser, shuningdek, halokat hududiga qutqaruv kemasi yuborilganini ham keltirib o‘tdi.
Eslatib o‘tamiz, 21-yanvar kuni kechqurun Sala “Nant” klubidagi sobiq sheriklari bilan xayrlashib, xususiy samolyotda (samolyot “Kardiff” klubiga tegishli bo‘lib, u texnik ko‘rikdan o‘tmagan bo‘lgan.)Uelsga uchib ketgan. Biroq samolyot manzilga yetishidan taxminan bir soatcha avval radarlarda ko‘rinish bermay qolgan. Uni qidirish uchun ikki vertolyot va bir necha qidirish kemalari jo‘natilgandi.
Avvalroq Sala halokatdan oldin WhatsApp messenjeri orqali ovozli xabar yuborgani haqida xabar berilgandi.
Ma’lumot uchun, hujumchi joriy mavsum “Nant” safida 21 ta o‘yin o‘tkazib, 13 ta gol urgandi. “Kardiff” esa futbolchini o‘zi uchun rekord summa — 20,5 million yevroga sotib olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)