Nyu-yorklik Terri Brubeker yo‘ldan bir necha ming dollar topib oldi va uning egasi bo‘lgan beva ayolga qaytirib berdi. Bu haqda Times Union xabar berdi.
Ma’lum bo‘lishicha, 14-yanvar kuni Brubeyker ko‘chada ketayotib yo‘lda pullar sochilib yotganini ko‘rgan. U pullarni yig‘ib, politsiyaga olib borgan. Ayol yig‘ib olgan pullar sakkiz ming dollar chiqqan, qolgan pullarni boshqa odamlar olib ketgan bo‘lgan.
Shu vaqtning o‘zida politsiya mahkamasida Kim Stingburg 8,5 ming dollar puli yo‘qolganligi haqida ariza yozayotgan bo‘lgan. U jiyanini bolalar o‘rindig‘iga joylashtirayotgan paytda konvertga solingan pullarni tasodifan mashinasi tomida qoldirib ketganligini aytgan.
U pulning bir qismini otasiga qarashli mol-mulk solig‘ini to‘lashga, qolgan qismini esa eri bilan asal oyini o‘tkazish uchun dengiz sayohatiga sarflamoqchi bo‘lgan. Lekin eri oktabr oyida avtohalokat oqibatida halok bo‘lgan.
Stinburg minnatdorchilik sifatida pulning bir qimini Brubeykerga bermoqchi bo‘lgan, lekin u ketib qolgan.
Izoh (0)