“O‘zbekiston havo yo‘llari” MAKning “Daryo”ga ma’lum qilishicha, 20-yanvar kuni Urganch xalqaro aeroporti vaqtincha yopilgan.
“Aeroport yopilishiga qor bo‘roni va kuchli shamol sabab bo‘lgan. Kompaniya texnik xavfsizlik talablariga ko‘ra, yomon ob-havo sharoitida parvozlarni amalga oshirmaydi. Aeroport texnik ishlar yakunlanganidan so‘ng o‘z faoliyatini davom ettiradi. ‘O‘zbekiston havo yo‘llari’ yo‘lovchilardan vaqtincha noqulaylik uchun uzr so‘raydi”, —deyiladi xabarda.