1990-yillar mashhur bo‘lga, 2000-yillar o‘rtalariga kelib, sahnadan yo‘qolgan rossiyalik qo‘shiqchi Andrey Gubin “Birinchi kanal” efirida uning omma oldiga chiqishiga to‘siq bo‘layotgan og‘ir kasalligi haqida gapirib berdi.
“Ertalabdan kechgacha kasal bo‘lib yotaman, shuning uchun ko‘p ham ommaga ko‘rinmayman”, — deya aniqlik kiritdi u.
Gubinning tan olishicha, shifokorlar allaqachon unga qo‘l siltagan. “Barcha ko‘rsatkichlar bo‘yicha men allaqachon o‘lib ketgan bo‘lishim kerak edi, ammo Andryusha (o‘zini nazarda tutmoqda) osongina taslim bo‘lmaydi”, — dedi u.
Gubinning qo‘shimcha qilishicha, ayni paytda u hech qayerda ishlamaydi, avval ishlab topgan pullari hisobiga yashamoqda. Uning hisob-kitobicha, ishlab topgan pullari o‘n yilga yetishi kerak. Shuningdek, qo‘shiqchi studiyaga qaytishga va musiqa yozishga umid qilayotganini aytdi.
Izoh (0)