O‘zbekistonda 2018-yilda o‘g‘il bolalarga eng ko‘p Mustafo ismi, qiz bolalarga esa Soliha ismi qo‘yilgan. Bu haqda Adliya vazirligining Telegramdagi kanali xabar bermoqda.
Xabar berishlaricha, 2018-yil davomida tug‘ilgan 7785 nafar chaqaloqqa Mustafo, 7030 nafar qizaloqqa esa Soliha ismi qo‘yilgan. Yana qaysi ismlar ko‘p qo‘yilgani haqida qo‘shimcha ma’lumot berilmagan.
“Kun.uz”ning yodga solishicha, 2017-yil yakunlariga ko‘ra Azizbek va Madina O‘zbekistonda chaqaloqlarga eng ko‘p qo‘yilgan ismlar ro‘yxatida yetakchi bo‘lgandi.
Ma’lumot uchun, 2018-yil davomida FHDYo organlarida 400,9 ming nafar o‘g‘il bola, 367,4 nafar qiz bola uchun, jami 768,3 ming nafardan ko‘proq tug‘ilganlik qayd etilgan bo‘lib, bu O‘zbekiston tarixidagi rekord ko‘rsatkichdir.
Izoh (0)