O‘zA Namangan viloyati Kosonsoy tumani “Beshketmon” mahallasi hududida joylashgan e’tibordan chetda qolgan maktabgacha ta’lim muassasasidan reportaj tayyorladi.
4-maktabgacha ta’lim muassasasida 100 nafar bola tarbiyalanadi. 1975-yilda qurilgan muassasa binosi ayni paytda yaroqsiz holga kelib qolgan.
Shu vaqtga qadar kapital ta’mirlanmagan binoning tom qismidan chakka o‘tadi. Jihozlar eskirgan. Issiqlik tizimi mavjud bo‘la turib, ayrim mashg‘ulot xonalari isimaydi. Bolalar maydonchasi, o‘yin qurilmalari talabga javob bermaydi. Bolalar noqulay sharoitda ta’lim-tarbiya olmoqda.
“O‘zbekistonda maktabgacha ta’lim tizimini tubdan takomillashtirish, yosh avlodni har tomonlama intellektual insonlar etib tarbiyalashga alohida e’tibor qaratilayotgan bugungi kunda fototanqidda aks ettirilgan manzarani mutasaddilar qanday izohlaydi?”, — deyiladi xabarda.
Izoh (0)