AQShlik rejissor va prodyuser Daniel Tutt va uning yordamchisi Lena Sulpovar ijodiy loyihalarni amalga oshirish maqsadida O‘zbekistonga keldi. Bu haqda rejissor Jahongir Ahmedov jurnalist Feruz Muhammadga ma’lum qildi.
O‘zbekistonning AQShdagi elchixonasi, Tashqi ishlar vazirligi, “O‘zbekkino” MA tashabbusi bilan bir guruh AQShlik kinoijodkorlar ijodiy rejalar bilan O‘zbekistonga kelishdi. Uchrashuvga kelgan AQShlik rejissor, prodyuser Daniel Tutt va uning yordamchisi Lena Sulpovar bilan dastlabki munozaralar prodyuser Zafar Yo‘ldoshev bilan AQShga ijodiy safar vaqtida amalga oshirilgan edi. Bu haqida OAVlariga matbuot anjumanida ham ma’lum qilganmiz. Ularning yurtimizga kelishdan eng asosiy maqsadi O‘zbekiston turizimini dunyoga targ‘ib qilish uchun bir nechta roliklar suratga olish va “O‘zbekkino” bilan hamkorlikda O‘zbekiston tarixi bilan bog‘lik ikkita loyihani amalga oshirishdir. Amerikalik ijodkorlarning rejasida “O‘zbekkino” MA rahbariyati bilan bundan tashqari Turizim qo‘mitasi rahbariyati, Madaniyat vazirligi rahbariyati hamda Vazirlar Mahkamasi huziridagi Din ishlari bo‘yicha qo‘mita vakillari bilan uchrashish rejalashtirilgan. Daniel Tuttning Samarqand, Buxoro va Xiva tarixiy shaharlariga sayohat qilishi rejaga kiritilgan.Jahongir Ahmedov, rejissor
Izoh (0)