Hindistonda Gangaram laqabli 130 yoshli timsohni dafn qilish uchun 500 kishi keldi. Bu haqda “Gazeta.ru” xabar berdi.

Foto: HT

Odamlar uch metrli timsohning jasadini 8-yanvar kuni topgan va uni munosib dafn etishga qaror qilgan. Gangaram butun umrini Hindistondagi qishloqda o‘tkazgan, mahalliy aholi bilan do‘stona munosabatda bo‘lgan.

Xabar berilishicha, bolalar timsohning yonida suzib yurgan, u hech qachon hech kimga zarar yetkazmagan.

Timsoh tabiiy o‘lim bilan vafot etgan. Qishloq aholisi ko‘l yaqinida unga yodgorlik qo‘yishni istamoqda.