Yaponiyalik milliarder yuzlab Twitter foydalanuvchilariga 10 ming dollardan va’da qilib, retvitlar bo‘yicha rekord o‘rnatdi

Yaponiyalik milliarder Yusaku Maedzava Twitter’dagi yuzlab tasodifiy obunachilarga pul mukofoti taklif qilib, retvitlar soni bo‘yicha rekord o‘rnatdi. U taxminan bir million iyena tarqatishni rejalashtirmoqda, bu har bir g‘olibga taxminan 10 ming dollardan to‘g‘ri keladi, deb yozmoqda TJournal.

Ishtirok etish shartlari atigi ikkita — Maedzavaning akkauntiga obuna bo‘lish va uning pul tarqatish haqidagi postini retvit qilish. Milliarder g‘oliblarga shaxsiy xabar orqali yozishga va’da bergan.

Ikki kun ichida post besh million martadan ko‘proq retvit qilingan, milliarderning obunachilari soni 501 mingdan 5,7 million kishiga o‘sgan.

ZOZOTOWN新春セールが史上最速で取扱高100億円を先ほど突破！！日頃の感謝を込め、僕個人から100名様に100万円【総額1億円のお年玉】を現金でプレゼントします。応募方法は、僕をフォローいただいた上、このツイートをRTするだけ。受付は1/7まで。当選者には僕から直接DMします！ #月に行くならお年玉 pic.twitter.com/cKQfPPbOI3

— 前澤友作 (@yousuck2020) January 5, 2019

Maedzava 2018-yilning sentabr oyida dunyo yangiliklarida mashhur bo‘lgan edi. O‘shanda milliarder Ilon Maskni uni Oy atrofida SpaceX kemasida sayohatga jo‘natishga ko‘ndirgan edi.

Avvalgi rekord Karter Uilkerson ismli o‘smirga tegishli bo‘lgan. Uning posti 3,4 million marta retvit qilingan. O‘smir Wendy’s restoranlar tarmog‘i bilan 18 millionta retvit yig‘ish bo‘yicha bahslashgan, retvitlar soni bir necha marta kam bo‘lgan bo‘lsa ham, restoranlar tarmog’i unga bir umr bepul naggetslar berishga rozi bo‘lgan.