Rossiya Davlat dumasi raisi Vyacheslav Volodin O‘zbekistonga tashrif buyurishni rejalashtirmoqda

Rossiya Federatsiyasi Davlat dumasining raisi Vyacheslav Volodin O‘zbekistonga tashrif buyurishni rejalashtirmoqda. Bu haqda Rossiya elchisi Vladimir Tyurdenev ma’lum qildi, deb yozadi “Podrobno.uz”.

“Bu ikki mamlakat o‘rtasidagi parlamentlararo hamkorlikni mustahkamlashdagi navbatdagi qadam hisoblanadi”, — dedi rossiyalik diplomat.

Uning so‘zlariga qaraganda, Senat raisi Nig‘matulla Yo‘ldoshevning o‘tgan yilning noyabr oyida Moskvaga tashrifi, ikkala parlament yuqori palatalari o‘rtasida yangi kelishuvning imzolanishi, MDH parlamentlararo assambleyasidagi ishtiroki — bularning barchasi ikki mamlakat parlamentlararo aloqalaridagi yutuqlardan dalolat beradi.

Quyi palatalar darajasidagi aloqalar ham sezilarli darajada faollashgan.