Rossiyaning Yoqutiston viloyatida 100 ming rubl tushirib qoldirgan fuqaroga pullari qaytarildi. Bu haqda “RIA Novosti” xabar berdi.
Yoqutistonlik fuqaro 29-dekabr kuni bankdan yechib olgan katta miqdordagi pullarini ko‘chada tushirib qoldirgan.
Shu kuni hududni ko‘zdan kechirayotgan Gubinskiy okrugi bo‘yicha javobgar politsiyachi Leonid Lebedev yo‘qotilgan pullarni topib olgan. Qorda yotgan besh mingtalik kupyura haqida politsiyachi navbatchi qismga xabar bergan.
Shuningdek, u pul topilgan joyga yaqin bo‘lgan apteka rahbarining telefoni raqamini olgan. Ammo kuzatuv kamerasidagi yozuvni faqat bayramdan keyin ko‘rish imkoni bo‘lgan.
Pul egasi 4-yanvar kuni ijtimoiy tarmoqlar orqali e’lon qilingan xabar orqali topilgan.
Erkak o‘sha hududda tushib qolgan avtomobil markasini hamda aniq summa va kupyuralar nominalini ham to‘g‘ri aytib bergan. Pullarni qaytarib olgan fuqaro politsiyachiga minnatdorchilik bildirdi va mo‘jizaga ishonmaganligini aytgan.
Uchastka nozirining so‘zlariga ko‘ra, e’londagi pullarga o‘n kishi da’vogarlik qilgan ammo ularning birortasi aniqlashtiruvchi savollarga to‘g‘ri javob bera olmagan.
Izoh (0)