Moliya vazirligi va DSQ kassa chekining yagona shaklini ishlab chiqadi

Yaqin kunlarda Davlat soliq qo‘mitasi Moliya vazirligi bilan hamkorlikda kassa cheklarining yagona shaklini ishlab chiqadi. Bu haqda Spot xabar berdi.

Korzinka.uz supermarketlar tarmog‘i asoschisi Zafar Hoshimovning so‘zlariga ko‘ra, bugungi kunda korporativ kartadan to‘lovni amalga oshirgan yuridik shaxslarga mahsulotlarni sotishda murakkabliklar yuzaga kelmoqda.“Avval chek hisob-faktura o‘rniga o‘tardi. Hozirda esa xaridorlar chek bilan buxgalteriyaga murojaat qilib, hisob-faktura rasmiylashtirib berishni so‘ramoqda. Bu esa hammaning ishini murakkablashtirmoqda”, — deydi tadbirkor.Soliq qo‘mitasi raisi o‘rinbosari Mubin Mirzayevning aytishicha , bir necha kun ichida chekning standart shakli ishlab chiqiladi va yirik riteylerlarning rahbarlari bilan kelishiladi. U shuningdek kassa chekini hisob-fakturaga tenglashtirish rejalashtirilayotganini ma’lum qilgan.“1-yanvardan QQSga o‘tilishi bilan tushunmovchiliklar yuzaga kelmoqda: ayrim tadbirkorlar chekda mahsulotning qo‘shimcha qiymat solig‘ini ko‘rsatmoqda, boshqalar esa buni zarur emas deb hisoblamoqda. Yangi shakldagi cheklar esa QQS to‘lovchilar uchun ham, to‘lamaydiganlar uchun ham qulay bo‘ladi”, — deydi Mubin Mirzayev.Prezidentning 2018-yil 1-noyabrdagi buyrug‘iga asosan korporativ bank kartalarini qo‘llagan holda yuridik shaxslar o‘rtasida, shuningdek yakka tadbirkorlar tomonidan naqdsiz to‘lovlarni amalga oshirish oldi-sotdi shartnomasisiz, invoys (hisob-faktura) asosida amalga oshiriladi.