“Obod mahalla” va “Obod qishloq” dasturi doirasida Jizzax viloyati Mirzacho‘l tumani yong‘in xavfsizligi bo‘linmasi 2-kasbiylashtirilgan yong‘in xavfsizligi qismi qayta ta’mirlandi. Bu haqda Jizzax viloyati IIB axborot xizmati xabar berdi.
Aytib o‘tish kerakki, qismni ta’mirlash uchun 497 million so‘mdan ziyod mablag‘ yo‘naltirilib, qism hududi yangicha ko‘rinishga ega bo‘ldi, shaxsiy tarkib uchun qulay shart-sharoitlar yaratildi, barcha xonalar zamonaviy ko‘rinishga keltirildi. Bundan tashqari, bo‘linmaga Isuzu shassisidagi yangi yong‘in o‘chirish avtomobili topshirildi.
“Yaratilayotgan keng imkoniyatlar, qulay, shart-sharoitlar soha xodimlarining o‘z kasblariga bo‘lgan mas’uliyatini yanada oshishiga va ular faoliyatining samaradorligini sezilarli oshishiga xizmat qilmoqda”, — deyiladi xabarda.
Izoh (0)