O‘zbekiston 1-fevraldan yana 45 mamlakat fuqarolari uchun 30 kunlik vizasiz tartibni joriy etadi. Bu O‘zbekiston Prezidenti Shavkat Mirziyoyevning “O‘zbekistonda turizmni tezkor rivojlantirish bo‘yicha qo‘shimcha chora-tadbirlar to‘g‘risida”gi farmonida ko‘zda tutilgan, deb xabar bermoqda “Gazeta.uz”.
2018-yilning fevralida davlat rahbari yetti mamlakat — Isroil, Indoneziya, Janubiy Koreya, Malayziya, Singapur, Turkiya va Yaponiya fuqarolari uchun 30 kunlik vizasiz tartibni joriy etish haqidagi farmonni imzolagan edi. Ushbu ro‘yxatga mart oyida Tojikiston, oktabrda Fransiya (shu bilan bunday tartib joriy etilgan mamlakatlar soni 18 taga yetdi), 15 yanvardan esa Germaniya qo‘shildi.
Ayni vaqtda 39 mamlakat fuqarolari uchun sayyohlik vizalarini olishning soddalashtirish tartibi amal qila boshladi (hozir bunday mamlakatlar soni — 51 ta). Iyul oyidan elektron vizalar, 16 yoshgacha bo‘lgan chet elliklar uchun vizasiz tartib va 101 mamlakatdan kelayotgan tranzit aviayo‘lovchilar uchun besh kunlik vizasiz tartib yo‘lga qo‘yildi.
Davlat rahbarining farmonida qayd etilishicha, viza tartibi va O‘zbekistonda bo‘lish qoidalarining soddalashtirilishi — infratuzilmalarni rivojlantirish va xorijda mamlakatning sayyohlik salohiyatini faol targ‘ib qilish bilan birgalikda — respublikaga kelgan chet elliklar sonining 2017-yildagi 2,60 million kishidan 2018-yilda 5,3 million kishigacha, ikki barobarga oshishiga sabab bo‘ldi.
Fuqarolari 1-fevraldan boshlab O‘zbekistonga 30 kun muddatga vizasiz kirish huquqiga ega mamlakatlar ro‘yxati
- Avstraliya
- Avstriya
- Argentina
- Bosniya va Gersegovina
- Vatikan
- Lyuksemburg
- Vengriya
- Bruney-Dorussalom
- Gretsiya
- Irlandiya
- Islandiya
- Italiya
- Kanada
- Andorra
- Lixtenshteyn
- Monako
- Belgiya
- Daniya
- Ispaniya
- Niderlandiya
- Norvegiya
- Shvetsiya
- Latviya
- Litva
- Mo‘g‘uliston
- Yangi Zelandiya
- Portugaliya
- Bolgariya
- Kipr Respublikasi
- Malta
- Polsha
- San-Marino
- Serbiya
- Sloveniya
- Xorvatiya
- Chili
- Ruminiya
- Slovakiya
- Buyuk Britaniya
- Braziliya
- Finlyandiya
- Chernogoriya
- Chexiya
- Shveysariya
- Estoniya
Izoh (0)