Toshkentdagi Yangi yil archasi MDHning eng baland archalari beshligiga kirdi

“TurStat” tahliliy agentligi MDH mamlakatlarining 2019-yil Yangi yil bayramlaridagi archalari reytingini e’lon qildi. Reyting MDH mamlakatlari poytaxtlaridagi bosh archalar balandligi tahlil natijalari asosida tuzildi, deb yozadi “Novosti Uzbekistana”.

Toshkentning Mustaqillik shoh ko‘chasi Yoshlar ijod saroyi yonidagi O‘zbekistonning bosh archasi o‘tgan yilning 10-dekabrida o‘rnatilgan edi.

Moskvada o‘rnatilgan Yangi yil archasi Yangi yilda MDH mamlakatlari poytaxtlaridagi tirik archalar reytingida birinchilikni egalladi.

Agentlik ma’lumotlariga ko‘ra, MDH shaharlaridagi eng baland yangi yil archalari o‘nligiga Ashxobod (38 metr), Baku (37 metr), Yerevan (37 metr), Toshkent (35 metr), Minsk (30 metr), Dushanbe (28 metr), Moskva (27 metr), Ostona (25 metr), Bishkek (25 metr) va Tbilisi (25 metr) kirdi.