Amerikalik chegarachilar migrantlarga qarshi gaz qo‘lladi

Amerikalik chegarachilar 1-yanvar, seshanba kuni meksikalik migrantlarning AQShga kirib kelishiga yo‘l qo‘ymaslik uchun migrantlarga nisbatan ko‘zdan yosh oqizuvchi gaz qo‘lladi, deb xabar berdi “Korrespondent.net”.

Chegarachilar migrantlarga qarata uch marta gaz qo‘llagan.

Guvohlarning so‘zlariga ko‘ra, chegarani qariyb 150 migrant kesib o‘tmoqchi bo‘lgan, ularning orasida ayollar va bolalar ham bor edi.

2018-yilda 260 dan ortiq kishi AQSh hududiga noqonuniy kirishga urinib, halok bo‘ldi.

Halok bo‘lganlarning aksariyati meksikaliklar edi.