Joriy yilning 27-dekabr kuni noqonuniy yo‘llar bilan respublika hududiga kirib kelgan pirotexnika vositalarining sotilishi va tarqatilishi yuzasidan Samarqand viloyati bojxona boshqarmasi bilan viloyat soliq boshqarmasi xodimlari hamkorlikda Samarqand shahri Ko‘ksaroy maydoniga o‘rnatilgan “Archa” bayrami tadbirida tezkor tadbir o‘tkazdi.
“Daryo” muxbiri Farhod Norbo‘tayevning xabar berishicha, fuqarolar R.A. va B.Sh.lar tomonidan Qirg‘iziston Respublikasida ishlab chiqarilgan “7 Shots X058” (salyut), “Britanik X201”, “Xlopushka feyerverk Dvoyedraguna X020”, “Zolotoy drakon X030A”, “Ground Bloom Flower 0901V” nomli og‘irligi 5490 kg bo‘lgan 5 turdagi pirotexnika vositasini 1 million 650 ming so‘mga pullayotganda ashyoviy dalili bilan qo‘la olingan.
Hozirda ushbu holat yuzasidan dastlabki bojxona tekshiruvlari olib borilmoqda.
Ma’lumot uchun, joriy yilning shu davriga qadar Samarqand viloyati bojxonachilari boshqa huquqni muhofaza qiluvchi idoralar vakillari bilan hamkorlikda 6 ta qonunbuzarlik holatida qiymati 9 million so‘mdan ortiq bo‘lgan 4292 dona pirotexnika vositasi ushlab qolingan.
Izoh (0)