Davlat budjeti parametrlarini tasdiqlash to‘g‘risidagi Prezident qaroriga muvofiq qonunchilikka o‘zgartirishlar kiritildi, deb xabar berdi “Huquqiy axborot”.
Kiritilgan o‘zgartirishlar quyidagilar:
- General Motors Uzbekistan YoAJga berilgan soliq imtiyozlari bekor qilindi. Kompaniya endilikda faqatgina qo‘shilgan qiymat solig‘idan ozod etiladi. Kompaniya ilgari barcha soliqlardan ozod etilgan edi.
- JV MAN Auto-Uzbekistan MChJning ham foyda solig‘iga oid imtiyozi bekor qilinib, faqatgina qo‘shilgan qiymat solig‘iga oid imtiyozi saqlab qolindi.
- Fuqarolarga chet elga chiqish uchun biometrik pasport berganlik uchun davlat boji eng kam oylik ish haqining 120 foizi etib belgilandi.
- 16 yoshga to‘lmagan fuqarolarga chet ega chiqish uchun biometrik pasport berganlik uchun davlat boji eng kam oylik ish haqining 80 foizi (ilgari 50 foiz), O‘zbekistonda doimiy yashovchi fuqaroligi bo‘lmagan shaxsga, shu jumladan 16 yoshga to‘lmagan shaxslarga biometrik harakatlanish hujjatini berganlik uchun davlat boji eng kam oylik ish haqining bir baravari etib belgilandi (ilgari 60 foiz).
Izoh (0)