Siz suratda ko‘rib turgan bola — Ulug‘bek Jo‘rayev. U 2008-yilda Qashqadaryo viloyati Muborak tumanida tug‘ilgan.
Jo‘rabekning onasi Zulayho Saitova tahririyatga murojaat qilib, og‘ir dardga chalingan o‘g‘lining sog‘ayib ketishi uchun zarur mablag‘ni to‘play olmayotganini ma’lum qildi.
“2017-yil 17-avgust hayotimdagi eng daxshatli kun. Chunki o‘sha kuni o‘g‘limga o‘tkir limfoblastli leykoz(oqqon) tashxisi qo‘yildi. Shifokorlarning gapiga ishongim kelmasdi. Sababi o‘g‘lim shu paytgacha biror marta ham kasal bo‘lmagan edi. U bog‘cha va maktabdagi eng faol va namunali bolalardan biri edi. Doim Jo‘rabekning yutuqlaridan faxrlanib yurardim. 2-sinfni a’lo baholar bilan tugatgan o‘g‘lim avvaliga ko‘p uxlaydigan bo‘ldi, holsizlana boshladi.
Biroz vaqtdan keyin oyog‘idagi og‘riqdan shikoyat qila boshladi. Isitmasi ko‘tarilib ketaverdi. Oyoqlari shu darajada og‘rirdiki, hatto yurolmay qoldi. Qashqadaryoda aniq tashxis qo‘ya olmaganlaridan keyin Toshkentga keldik. Tezroq o‘g‘limning kasalligiga tashxis qo‘yilishini xohlardim, chunki og‘riqsizlantiruvchi dorilar ta’sir qilmay qolgani uchun bolam azoblanardi”, — deb hikoya qiladi Jo‘rabekning onasi Zulayho Saitova.
Shundan so‘ng Jo‘rabekka oqqon tashxisi qo‘yildi.
“Shifokorlar bolaga qarashga bitta odam kerak, u umuman tashqariga chiqmaydi, bolaning oldiga hech kim kirmaydi, deb aytishdi. Uyimda esa hali ikki oylik ham bo‘lmagan chaqalog‘im bor edi…
Taqdirning bu sinovlariga chidash uchun bardoshim yetarmikan, deb o‘ylardim. Chunki og‘limning ahvoli og‘ir edi. Gemoglabin miqdori 68, trombotsitlari deyarli yo‘q, leykotsitlari miqdori esa oshib ketgandi. Rossiyaga ham tahlil jo‘natdik. U yerdan ham qo‘rqinchli tashxisni tasdiqlovchi xabar keldi. 48 kun davomida qimmat antibiotiklardan qilindi. 6 marta umurtqasiga kimyoviy muolaja yuborildi.
Kimyo olayotgan paytda bolam uxlab qoldi. Uyg‘onib tushida katta kapalakka o‘tirib jannatga borganini aytib berdi.
‘U yerdagi gular, kapalaklar, daryolarni ko‘rganingizda edi bu yerdagilar ularni oldida hech narsa emas’ dedi, mening ko‘zimdan yoshim to‘xtamaydi bu gaplarni eshitib”, — deydi onaizor yig‘lab.
Jo‘rabek hozirda qo‘llab-quvvatlovchi muolajaning 5-kursini olmoqda. Oila bolaning kasalligi tufayli Toshkent shahrida ijraga turib, yashamoqda. Dori-darmonlardan tashqari har oy 170 dollar ijara uchun to‘lanadi. Shuning uchun ham oila moddiy tomondan ancha qiynalib qolgan. Yaxshi insonlar, saxovatpeshalardan yordam kutishmoqda!
Jo‘rabekning sog‘ayib ketishi uchun imkon qadar hissa qo‘shaylik!
Onasining telefon raqami: 97 31409 85
Plastik karta raqami: 8600 0417 9700 3390
Izoh (0)